Өсиет сөздер
Дін, иман туралы
Мал - дүниенің опасы, иман-жанның сапасы.
Имансызға - пейіш жоқ, имандының - көңілі тоқ.
Ақыл-ой туралы
Ата-ананың ақылы - қазылған қара жолмен тең,
Ағайының көп болса - ұлы шерік қолмен тең.
Жақсы мен жаман туралы
Жақсылардың ақылы - гәуһар шырақ шаммен тең,
Жақсының көрген жарығы - анық атқан таңмен тең.
Кей жаманның тілі бар - ащылығы умен тең,
Айтқан сөзі ақымақтың - адам ішпес сумен тең.
Жамандар сөйлей білмейді, жөніне тыныш жүрмейді.
Екі жаман кез болса - құтырған иттей таласар.
Білгенін түзу кім етсе - қара басы бимен тең.
Кей жақсының мінезі - Еділ менен Жайықтай,
Жақсылар топта сөйлейді - дарияда жүзген қайықтай.
Көкірегіңде қонақ жоқ адамды әуре демей не дейміз.
Ынтымақ-бірлік, татулық туралы
Бір үйде өскен балалар бірлік қылса азар ма?!
Жаман болса ұлығың - аш-арығы оңалмас.
Қазакеңнің түзулікті һәм түзулік айтқан кісіні ұнатпай, ынтымақ- бірлікке қайырылмай қалшиып қалатындығы - бұрыннан да әркімге мәлім жай емес пе.
Төрт түлік мал туралы
Мал - дүниенің опасы.
Күншілдік, қызғаныш туралы
Бұл заманның жақсысы: бірін-бірі көре алмас, жұртына пайда бере алмас.
Көп жаманның ішінде бір жақсысы болмаса –
серкесі жоқ қоймен тең,
жақсы ішінде бір жаман –
өлі жүнді таймен тең.
Ағайын-туыс туралы
Талқаныңды жеп қойса - туысқаның жатпен тең.
Жақсысы кеткен ауылға мейман келіп қона алмас.
Ар-намыс, ұят туралы
Жақсыдан ақылың - қызыл алтын бұл болар,
Ұяты жоқ адамға - өтірік сөзің шын болар.
Орнын білмес жаманға - есік те болса төрмен тең,
Жақсының жары сұм болса - қазып қойған көрмен тең.
Дүние туралы
Баяны жоқ дүниені бір күндік демей не дейміз.
Рас жаман өзін - өзгені қор көрген адам.
Тәлім-тәрбие, өсиет, тағлым туралы
Сыйласпаған ағайын жатыңменен пара-пар.
Уәдесінде тұрмаса - жақсыға өлім сол болар.
Парақорлық туралы
Парақор болған төрелер - қуаңнан шыққан жұтпен тең,
Шежіре қуған адамның - көкірегі сызған хатпен тең.
Қоғам, мемлекет, заман туралы
Жаттан рақым не күтсін - бастан жаны кеткен ер,
Шуылдаған қарғадай - көшбасшысы өткен ел.
Байланыс телефоны: 8 (7222) 52 01 44
Е-mail: semeybib@yandex.kz
Web-сайт:www.semeylib.kz